هنا كيفية تركيب جيلبريك للاصدار IOS 10 و IOS 10.1.1 على الايفون و الايباد باستخدام Mach_Portal.
اخيرا وصل جيلبريك للاصدار IOS 10 لكنه بيتا مازال في مرحلة تجريبية , يدعم عدد قليل من الاجهزة وغير مستقر تماما.
قبل ما ابدا شرح طريقة تركيب الجيلبريك الجديد هناك عدد من الاشياء التي تحتاج للتوضيح قبل ماتسوي شي. بصراحة اول مرة يكون اصدار للجيلبريك بهالشكل او بهالطريقة. اولا مطور جيلبريك IOS 10 الجديد هذا هو Lucas مطور معروف لكنه اول مرة ينزل جيلبريك, وهنا تبدا بعض المشاكل الي بتعرفه الحين.
وش وضع جيلبريك للاصدار IOS 10 ؟
الوضع حاليا غير مستقر ونسخة الجيلبريك للاصدار IOS 10 الي تم اصداره بيتا يعني نسخة تجريبية في الوقت الحالي.
الجيلبريك شبة مقيد
الجيلبريك شبة مقيد
المطور معطل MobileSubstrate وهي النواة الاساسية الي تشغل الادوات من السيديا بعد تحميله. لكن راح نفعله ونتحايل على المطور في هالموضوع.
الاجهزة المدعومة!
نسخة البيتا من جيلبريك للاصدار IOS 10 حاليا تدعم فقط:
- ايفون 7 > فقط على اصدار IOS 10.1.1
- ايفون 6S > من IOS 10.1.1 واقل حتى اصدار IOS 10.0.1
- ايباد برو > من IOS 10.1.1 واقل حتى اصدار IOS 10.0.1
يمكن الايفون او الايباد حقك مايكون مع القائمة الي فوق, لكن لا تخاف فقط في البيتا, مع الاصدار الرسمي للجيلبريك للاصدار IOS 10 خلال ايام القادمة راح يدعم اجهزة اكثر مثل الايفون 6 و الايفون 5s وباقي الايبادات.
قبل البدء بالجيلبريك تنبيه :
اخيرا وليس اخرا: هالنسخة من الجيلبريك بيتا, عارف اني ذكرته كثير بالموضوع لكن لازم تعرف انه تجريبية تستهدف المطورين للمساعدة في تحسين واصلاح جميع المشاكل للاصدار الرسمي من الجيلبريك خلال ايام القادمة . لذلك لو كان مايهمك انك تسوي ريستور للايفون او الايباد حقك في حال صارت مشكلة فيه او شي كمل معي , غير كذا انتظر احسن.
كيفية تركيب جيلبريك للاصدار IOS 10 ..
الخطوة الاولى :
تحميل اداة الجيلبريك للاصدار IOS 10 على الكمبيوتر ماك او ويندوز IPA من هالرابط.
الخطوة الثانية :
تحميل برنامج Cydia Impactor من احد هالروابط ويندوز او الماك على حسب جهازك.
الخطوة الثالثة :
اشبك الايفون او الايباد حقك بالكمبيوتر باستخدام USB, و افتح برنامج Cydia Impactor,بعدين اسحب اداة الجيلبريك الي انت حملته بالخطوة الاولى داخل برنامج Cydia Impactor, بعدين بيطلع لك اول مربع يطلب منك الايميل حقك في الاب ستور حطه بعدين اضغط OK , بعدين يبي يطلب منك رمز الايميل حق الاب ستور اكتب الرمز بعدين OK .
الخطوة الرابعة :
افصل الايفون او الايباد من الكمبيوتر, بعدين ادخل الاعدادات < عام < انزل تحت عند ملفات التعريف ادخل عليه بتحصل ايميلك اضغط عليه بعدين اختار وثوق .
الخطوة الخامسة :
ارجع للشاشة الرئيسية للايفون او الايباد وافتح تطبيق Mach_Portal وراح تجيك شاشة بيضاء , و الباقي راح يسويه تلقائيا التطبيق تقريبا يقعد من 10 او 20 ثانية يسوي اعادة تشغيل بعد مايشتغل الايفون او الايباد راح تحصل السيديا موجود على الشاشة الرئيسية.
اصلاح مشكلة MobileSubstrate ..
نفس ماقلت لكم في بداية الموضوع ان مطور الجيلبريك معطل MobileSubstrate في نسخة البيتا هذي ما ادري ليش عاد . طبعا هذي هو الاطار اللي يسمح للادوات بالعمل على النظام , يعني بدونه ماراح تشتغل ادوات السيديا معك.
لتشغيل MobileSubstrate في الجيلبريك للاصدار IOS 10 حاليا طريقة بسيطة , فقط اضف السورس الموجود تحت عندك بالسيديا.
بعد اضافة السورس ابحث عن اداة اسمة Substrate Fix IOS 10 ادخل عليه واضغط على تثبيت . بس هذا كل شي.
بالنهاية لو سويت الجيلبريك هذا انتبه تحمل اي اداة من السيديا خصوصا ان 99% منها للحين غير متوافق مع الاصدار IOS 10 , خصوصا ابعد عن الادوات الي تعدل شي بالنظام وكذا, لكن مثل ادوات البلس للسناب شات او الواتس اب والفانتوم والانستقرام بلس و تويتر بلس وغيرها للتطبيقات عادي تقدر تحمله. وراح انزل موضوع تحديث مستمر عن جميع الادوات الي تدعم الاصدار IOS 10 في السيديا او الي تم تحديثها من المطورين.
ليست هناك تعليقات:
إرسال تعليق